Copyright: ©
Кыргыз Республикасынын Саламаттык сактоо министри Санкт-Петербург эл аралык экономикалык форумунда ден соолукту башкаруу аркылуу жашоонун сапатын жакшыртуу стратегиялары боюнча сөз сүйлөдү
07.06.2024 / Просмотров: 6169
Санкт-Петербург, 2024-жылдын 5-8-июну – Кыргыз Республикасынын Саламаттык сактоо министри Алымкадыр Бейшеналиев XXVII Санкт-Петербург эл аралык экономикалык форумунун алкагында “Ден соолук экономикасы. Ден соолукту кантип натыйжалуу башкаруу жана жашоонун сапатын жакшыртуу керек” темасында сөз сүйлөдү.
Министр өз баяндамасында калктын саламаттыгы Кыргыз Республикасынын мамлекеттик саясатынын артыкчылыктуу багыты жана өлкөнүн социалдык-экономикалык өнүгүүсүнүн маанилүү көрсөткүчү экендигин баса белгиледи. Өкмөттүн саламаттыкты сактоо тармагындагы негизги милдети адамдын, үй-бүлөнүн жана мамлекеттин саламаттыгына инвестициялоонун натыйжалуу механизмдерин киргизүү менен ден соолукту башкаруунун жаңы системасын түзүү, анын ичинде оорулардын алдын алуу жана ден соолук үчүн коопсуз чөйрөнү түзүү болуп саналат.
Министр белгилегендей, мамлекеттик саясат саламаттыкты сактоо системасын «оору» моделинен «сергек жашоо образы жана оорулардын алдын алуу» моделине кайра багыттоого, ошондой эле өз ден соолугун башкарууга адамдын өзүнүн катышуусун жана жоопкерчилигин күчөтүүгө багытталган. Саламаттык сактоону өнүктүрүү стратегиясы системанын профилактикалык жана баштапкы медициналык-санитардык жардам көрсөтүүгө багытын чыңдоону жана кайра багыттоону, медициналык кызмат көрсөтүүлөрдү каржылоонун жаңы механизмдерин, мисалы, ар бир айыккан учурга төлөө жана киши башына каржылоону камтыйт.
2021-жылдан бери медициналык-санитардык жардам структурасында олуттуу өзгөрүүлөр болду. Медициналык уюмдар үй-бүлөлүк медицина борборлорун аймактык ооруканалар менен бириктирүү жолу менен кайра түзүлдү, бул ресурстарды оптималдаштырууга жана медициналык кызмат көрсөтүүнүн сапатын жогорулатууга мүмкүндүк берди.
Баштапкы медициналык-санитардык жардамды чыңдоо үчүн кургак учукту ийгиликтүү амбулатордук дарылоону каржылоо механизмдери киргизилген. Саламаттыкты сактоо секторун реформалоо боюнча олуттуу аракеттерге карабастан, өлкөдө дары-дармектерди начар башкаруу жана медициналык кадрлардын өзгөчө алыскы аймактарда жетишсиздиги сыяктуу стратегиялык көйгөйлөр сакталып калууда.
Министр ошондой эле 2019-2030-жылдарга калктын саламаттыгын сактоо жана саламаттыкты сактоо тутумун өнүктүрүү боюнча «Дени сак адам - өнүккөн өлкө» программасын ишке ашыруунун жүрүшүн белгиледи, анын максаты адамга багытталган саламаттык сактоо тутумун чыңдоо жана анын өмүрү бою сапаттуу кызмат көрсөтүү.
Кыргыз Республикасынын Саламаттык сактоо министрлиги өлкөнүн калкынын ден соолугун чыңдоо жана жашоо сапатын жакшыртуу максатында учурдагы көйгөйлөрдү жана стратегиялык милдеттерди чечүү боюнча жигердүү иштерди улантууда. Калкты сапаттуу дары-дармектер менен камсыз кылууда жана медициналык кызматтын жеткиликтүүлүгүн жогорулатууда негизги ролду ойногон «Кыргызфармация» мамлекеттик ишканасынын жана «Эл Аман» мамлекеттик дарыканаларынын ийгиликтүү иши өзгөчө баса белгиленди.
.jpeg)
.jpeg)
.jpeg)
.jpeg)
Прикрепленные файлы:
Другие Новости
17.01.2025
Саламаттык сактоо министрлиги Бишкек шаарынын мэриясы менен биргеликте кызамык оорусу боюнча көчмө ыкчам штабдын жыйынын өткөрүүдө
2025-жылдын 16-январында КР саламаттык сактоо министринин орун басары Бубужан Арыкбаеванын жана Бишкектин вице-мэри Виктория Мозгачеванын төрагалыгы алдында КР Саламаттыкты сактоо министрлигинин көчмө ыкчам штабынын жыйыны уюштурулду. Бул жыйын Кыргыз Республикасынын Министрлер Кабинетинин протоколдук тапшырмаларын жана Саламаттык сактоо министрлигинин кызамык менен күрөшүү боюнча штабынын чечимдерин аткаруунун жана кызамык боюнча алдын алуу жана эпидемияга каршы иш-чараларга көмөк көрсөтүүнүн алкагында уюштурулду.
Талкууга коомдук саламаттыкты сактоонун жана Бишкек шаарынын мэриясынын өкүлдөрү, Бишкек шаарынын саламаттык сактоо уюмдарынын жетекчилери, билим берүү мекемелеринин, аймактык администрациялардын өкүлдөрү катышты. Жыйында учурдагы эпидемиологиялык кырдаал, кызамыктын, кызылчанын, курч респиратордук вирустук инфекциялардын жана сасык тумоонун чыгышына жооп катары жүргүзүлгөн эмдөө боюнча өнөктүктөргө мониторинг талкууланды.
Белгилей кетсек, өткөн жылы республикада кошумча жана тазалоочу эмдөөнүн үч баскычы өткөрүлгөн. Республика боюнча 918 000 бала жана 29 258 саламаттык сактоо системасынын кызматкери, орто жана жогорку окуу жайларынын окутуучулары жана студенттери эмдөөдөн өткөн.
2024-жылдын жыйынтыгы боюнча республиканын аймагында кызамык оорусунун 14 380 учуру, анын ичинен 5 681 учуру Бишкек шаарында катталган. 2025-жылдын башынан бери 229 жаңы учур, анын ичинде Бишкек шаарында 144 учур катталды. Оорунун күч алышынын негизги себеби – эмдөөдөн өткөндөрдүн көрсөткүчү талаптагыдан төмөндүгү, Бишкекте адамдардын 95% вакцина алышы керек болсо, учурда бул көрсөткүч 69 %ды түзөт.
Кызамык оорусунун андан ары жайылышын алдын алуу үчүн Саламаттык сактоо министрлиги 9 айдан 7 жашка чейинки курактагы балдар арасында тазалоочу эмдөө боюнча өнөктүктү улантууда, бирок эмдөөдөн баш тарткандардын айынан бул иш кыйынчылыктар менен коштолууда. Ушул себептен улам олуттуу эпидемиологиялык тобокелдиктер бар, себеби вирус эмделбеген балдардын арасында жайылып жатат.
Ыкчам штабдын жыйынынын жыйынтыгы боюнча төмөнкүдөй чечимдер кабыл алынды: кызамыкка каршы күрөшүү боюнча профилактикалык жана эпидемияга каршы иш-чараларды күчөтүү, профилактикалык эмдөөлөрдү 95%дан кем эмес деңгээлге жеткирүү; калк арасында түшүндүрүү иштерин күчөтүү, эмдөөнүн коопсуздугун жана маанилүүлүгүн түшүндүрүүгө багытталган маалыматтык-агартуу өнөктүктөрүн уюштуру.
17.01.2025
КР Саламаттык сактоо министри Республикалык калыбына келтирүү борборуна барды
2025-жылдын 17-январында Кыргыз Республикасынын Саламаттык сактоо министри Алымкадыр Бейшеналиев Аламүдүн районунун Дачное айылында жайгашкан Республикалык калыбына келтирүү борборуна барды. Иш сапардын жүрүшүндө министр борбордун иштөө шарттары менен таанышып, анын кызматкерлери менен негизги маселелерди талкуулады жана калыбына келтирүүчү жана адистештирилген медициналык жардам көрсөтүү системасын мындан ары өнүктүрүүнүн маанилүүлүгүн белгиледи.
Борбор профилактикалык, кеңеш берүү, дарылоочу, диагностикалык жана калыбына келтирүү сыяктуу кызматтардын түрүн көрсөтөт. Борбордунишмердүүлүгүнүн негизги багыттары бейтаптардын ден соолугун калыбына келтирүүгө көмөктөшүүчү дарылоо гимнастикасы жана дене тарбия секцияларын уюштурууну камтыйт.
Министр Кыргызстанда жыл сайын 1500гө жакын адам инсультка кабылып, калыбына келтирүүчү жардамга муктаж болоорун белгиледи. Мындан тышкары, жол кырсыгынан жабыркагандар жана дарылоонун паллиативдик стадиясындагы бейтаптар да жардамга муктаж. Мындай борборду түзүү республиканын бардык аймактарынан келген тургундар үчүн медициналык жардамдын жеткиликтүүлүгүн жана сапатын бир топ жакшыртат.
13.01.2025
Республикадагы сасык тумоо жана курч респиратордук вирустук инфекциялар боюнча эпидемиологиялык абал
Оорулардын алдын алуу жана мамлекеттик санитардык-эпидемиологиялык көзөмөл департаментинин ыкчам маалыматы боюнча 2024-жылдын 2-жумасында (06.01.25 - 12.01.25) курч респиратордук вирустук инфекциялардын 7415 учуру жана сасык тумоонун 38 учуру катталган (и.к. 105,0), өткөн жумага салыштырмалуу (01-жума, и.к. 60,0) +1,7 эсе жогору катталган, бул эпидемиялык босогодон (148,1) -29,1%га төмөн. Ооругандардын 7,9%ы (586 бейтап) ооруканага жаткырылган.
Бишкек, Ош жана Токмок шаарларында курч респиратордук инфекцияларга (КРИ) жана сасык тумоого окшош ооруларга көзөмөл жүргүзүү улантылууда.
Октябр айынан баштап (2024-жылдын 40-жумасынан 2025-жылдын 2-жумасына чейин) 1335 үлгү алынган, анын ичинен 128и оң, анын ичинде 78,9% А (H1N1 (2009) - 100 учур, H3N2-1 учуру)), В-9,4% (12 учур), COVID-19 – 11,7% (15 учур).
Ошондой эле курч респиратордук вирустук инфекциялардын циркуляциясы байкалууда, алардын ичинен РС вирусу – 30,3% (280), риновирус – 26,2% (242), аденовирус – 12,8% (118), I-IV парагрипп – 11,4% (105), башкалар – 19,3% (179).
Республикада сасык тумоо, курч респиратордук вирустук инфекциялар жана COVID-19 инфекциясы боюнча эпидемиологиялык кырдаалга мониторинг жана баалоо улантылууда жана көзөмөлгө алынат.
КРВИ жана сасык тумоонун жайылышын болтурбоо үчүн төмөнкү алдын алуу чараларын сактоо керек:
- коомдук жайларга баргандан кийин колду самындап жууп же дезинфекциялоочу каражаттарды колдонуу;
- КРВИ же сасык тумоо белгилери бар адамдардан өзүн алыс кармоо;
- жуулбаган кол менен бетиңизге тийбеңиз,
- дем алуу этикетинин эрежелерин сактоо (чүчкүргөндө жана жөтөлгөндө мурунду бүгүлгөн чыканак же бет аарчы менен жабуу),
- КРВИ менен ооругандардын сезондук өсүшү байкалса, коомдук жайларга барууда беткаптарды колдонуу, социалдык аралыкты сактоо.