Массалык маалымат каражаттары үчүн чакыруу
12.04.2022 / Просмотров: 2628
2022-жылдын 13-апрелинде саат 10.00дө «Парк Отель» мейманканасында (Орозбеков көч., 87) кызыкдар аткаруу бийлик органдарынын катышуусунда жугуштуу эмес ооруларды көзөмөлдөө боюнча секторлор аралык кеңешме өткөрүлөт.
Жыйындын жүрүшүндө министрликтер менен ведомстволордун өкүлдөрү Кыргызстанда жугуштуу эмес оорулардын алдын алууга инвестиция тартууну жактаган аргументтерди талкуулашат.
Жугуштуу эмес оорулардын (ЖЭО) глобалдык жүгү жана коркунучу дүйнө жүзү боюнча социалдык жана экономикалык өнүгүүгө терс таасирин тийгизүүдө. 2015-жылы Кыргыз Республикасында негизги 4 ЖЭОнун (жүрөк оорулары, өпкө оорулары, кант диабети жана рак) кесепетинен өлкө жыл сайын ИДПнын 4%га жакынын жоготоору эсептелген. Чоң кишилердин өлүмүнүн 80%ы ушул оорулардан болот.
Кыргыз Республикасынын Министрлер Кабинети жана экономикалык блок ЖЭО көзөмөлдөө процессинде чоң роль ойнойт, анткени соода, салык, билим берүү, айыл чарба, шаар куруу, тамак-аш өнөр жай багытындагы мамлекеттик саясат - жугуштуу оорулардын (жүрөк оорулары, өпкө оорулары, диабет жана рак) өөрчүшүнө олуттуу таасир этет.
2021-жылы Кыргыз Республикасынын Президенти тамеки чегүүгө каршы жаңы мыйзамга кол койгон, бул ЖЭОны көзөмөлдөө салым кошот. Учурдагы улуттук саясатты шайкеш келтирүү үчүн Туруктуу өнүктүрүү максаттарына (ТӨМ) жетишүүнү камсыз кылуу жана ден соолукту чыңдоо жана экономикалык жактан активдүү калктын өлүмүнө алып келген негизги ооруларды контролдоо үчүн жооптуу органдарды түзүү үчүн кошумча күч-аракеттер талап кылынат. ЖЭО жана аны менен байланышкан тобокелдик факторлору менен күрөшүү жана зыяндуу тамак-ашка салыктарды көбөйтүү өкмөттүн бардык секторлорунун аракеттерин талап кылат.
Прикрепленные файлы:
Другие Мероприятия
04.09.2024
ЖМК өкүлдөрүн чакыруу
2024-жылдын 5-сентябрында саат 10:00дө Бишкек шаардык №1 клиникалык ооруканасынын аймагында (Юлиус Фучик көч., 15/1) терапия бөлүмүнүн курулушуна капсула салуу расмий аземи болот.
Салтанат КР Саламаттык сактоо министри Алымкадыр Бейшеналиев жана Кувейттин “Ас-Сафа” кайрымдуулук фондунун төрагасы шейх Мухаммад Абдурахман Альшаянын катышуусунда өтөт.
Маалымат үчүн:
Объекттин сметалык баасы 80 000 000 сомду түзөт. Бул объектти ишке ашыруу толугу менен «Ас-Сафа Центр» уюму тарабынан каржыланат.
Курулуш иштери аяктагандан кийин керектүү эл аралык класстагы медициналык жабдуулар, жумшак жана катуу эмеректер менен камсыздалат.
25.07.2024
ПРЕСС-АНОНС
2024-жылдын 26-июлунда саат 9.30да Жукеева-Пудовкина, 75 дарегинде жайгашкан №6 үй-бүлөлүк дарыгерлер борборунда баасы 2000 евро турган Cervix Wisap 6001 Муздак коагулятор аппаратын тапшыруу аземи болот.
Репродуктивдүү системанын ар кандай ооруларына медициналык жардам көрсөтүүгө арналган жабдыктар «Аялдардын ден соолугу» долбоорунун алкагында «Чек арасыз дарыгерлер» медициналык гуманитардык уюму аркылуу кайтарымсыз негизде берилет.
Эми №6 ҮМБда эң акыркы муундагы кольпоскоп жана коагулятор аппараттары менен жабдылган жатын моюнчасынын рагын аныктоочу кабинет иштейт. Мындай технологиялардын аркасында жатын моюнчасынын патологиясын аныктоонун жана ооруларды алгачкы этапта дарылоонун сапаты жакшырат.
20.06.2024
АНОНС
2024-жылдын 21-июнунда саат 12:00дө Бишкек ш., Чүй пр., 112 дарегинде жайгашкан Кыргыз Республикасынын Улуттук тарых музейинде Кыргызстандын Иммунопрофилактика программасынын 30 жылдыгына, жетишкендиктерге, көйгөйлөргө жана өнүгүү келечегине арналган илимий-практикалык конференция өтөт.
Эл аралык илимий-практикалык конференциянын программасына төмөнкү баяндамалар кирет:
- Кыргыз Республикасында иммунизациялоо кызматынын калыптануу тарыхы жана өнүгүү келечеги;
- Жугуштуу оорулардын алдын алууда эмдөөнүн мааниси.
- Жаңы вакциналарды киргизүүдө илимий негизделген чечимди кабыл алуу процесси, Иммунизация боюнча илимий-техникалык эксперттик топтун сунуштары. Кыргызстан;
- Кыргыз Республикасында В вирустук гепатитине каршы эмдөөнүн натыйжалуулугун баалоо;
- вакцина менен алдын ала турган инфекциялар боюнча эпидемиологиялык абал.
- КПК вакцинасы менен эмделгендердин иммунитетине серологиялык баа берүү.
Мындан тышкары, төмөнкү чакырылган коноктордун баяндамалары күтүлүүдө:
- Г.Н.Габричевский атындагы Москва эпидемиология жана микробиология илим-изилдөө институту. Роспотребнадзор;
- Коомдук маалымдуулуктун ролу. Иммунизацияга болгон суроо-талапты жана ишенимди жогорулатуу. Өзбекстан Республикасы (макулдашуу боюнча);
- "М.П. Чумаков атындагы Иммунобиологиялык препараттарды изилдөө жана иштеп чыгуу боюнча Федералдык илимий борбор" Федералдык мамлекеттик автономдуу илимий мекемеси.
- Россия Федерациясынын Саламаттык сактоо жана жогорку билим берүү министрлигинин «И.И.Мечников атындагы Вакциналар жана сывороткалар илимий-изилдөө институту» Федералдык мамлекеттик бюджеттик мекемеси (макулдашуу боюнча).
- кызамык жана кызылча оорусуна эпидемиологиялык көзөмөл системасы. Казакстан Республикасы (макулдашуу боюнча).
- “СПИД Инфосвязь” фонду. Орусия.