Бишкекте Бүткүл дүйнөлүк кургак учукка каршы күрөшүү күнүнө арналган акция өткөрүлөт

31.03.2023 / Просмотров: 43356

2023-жылдын 31- мартында «Бишкек Парк» соода борборунда (Бишкек ш., Киев көч., 148) саат 18.00-19.00 чейин “Ооба! Биз кургак учукту токтото алабыз!» аттуу Бүткүл дүйнөлүк кургак учукка каршы күрөшүү күнүнө арналган акция өткөрүлөт.

 

Акциянын максаты – кургак учук көйгөйүнө, коомдун биргелешкен күч-аракети гана анын жайылышын токтото аларына коомчулуктун көңүлүн буруу, кургак учук менен ооруган адамдардын стигмасын жана дискриминациясын азайтуу.

 

Кыргызстанда март айында салттуу түрдө өткөрүлүп келген кургак учукка каршы күрөшүү айлыгын эсте каларлык аяктоо максатында уюштурулган бул акциянын катышуучулары:

 

- кургак учук боюнча бардык суроолорго медициналык адистерден жооп алышат;

- кургак учуктан айыккан адамдардын ооруну кантип жеңгендери тууралуу окуялары менен таанышышат;

- боюн, салмагын жана кан басымын өлчөй алышат;

- биринчи жардам көрсөтүүнү үйрөнүшөт;

- шайыр флешмобдорго, кызыктуу викториналарга ж.б. катышуу үчүн сыйлыктарды ала алышат.

 

Акция КР Саламаттыкты сактоо министрлиги, Улуттук фтизиатрия борбору, Республикалык ден соолукту чыңдоо жана массалык коммуникация борбору, USAIDдин «Кургак учукту айыктыруу» жана «Кургак учук менен ооруган бейтаптарды колдоо» долбоорлору, Кыргызстандын Кызыл Жарым Ай коому, Айылдык ден соолук комитеттеринин ассоциациясы, “Билге клаб” волонтердук кыймылы, Бишкек медициналык колледжи тарабынан уюштурулууда. Акция «Бишкек Парк» соода борбору тарабынан колдоого алынууда.

Прикрепленные файлы:

Другие Мероприятия

20.06.2024
АНОНС

2024-жылдын 21-июнунда саат 12:00дө Бишкек ш., Чүй пр., 112 дарегинде жайгашкан Кыргыз Республикасынын Улуттук тарых музейинде Кыргызстандын Иммунопрофилактика программасынын 30 жылдыгына, жетишкендиктерге, көйгөйлөргө жана өнүгүү келечегине арналган илимий-практикалык конференция өтөт. 

 

Эл аралык илимий-практикалык конференциянын программасына төмөнкү баяндамалар кирет:

- Кыргыз Республикасында иммунизациялоо кызматынын калыптануу тарыхы жана өнүгүү келечеги;

- Жугуштуу оорулардын алдын алууда эмдөөнүн мааниси.

- Жаңы вакциналарды киргизүүдө илимий негизделген чечимди кабыл алуу процесси, Иммунизация боюнча илимий-техникалык эксперттик топтун сунуштары. Кыргызстан;

- Кыргыз Республикасында В вирустук гепатитине каршы эмдөөнүн натыйжалуулугун баалоо;

- вакцина менен алдын ала турган инфекциялар боюнча эпидемиологиялык абал.

- КПК вакцинасы менен эмделгендердин иммунитетине серологиялык баа берүү.

 

Мындан тышкары, төмөнкү чакырылган коноктордун баяндамалары күтүлүүдө:

- Г.Н.Габричевский атындагы Москва эпидемиология жана микробиология илим-изилдөө институту. Роспотребнадзор;

- Коомдук маалымдуулуктун ролу. Иммунизацияга болгон суроо-талапты жана ишенимди жогорулатуу. Өзбекстан Республикасы (макулдашуу боюнча);

- "М.П. Чумаков атындагы Иммунобиологиялык препараттарды изилдөө жана иштеп чыгуу боюнча Федералдык илимий борбор" Федералдык мамлекеттик автономдуу илимий мекемеси.

- Россия Федерациясынын Саламаттык сактоо жана жогорку билим берүү министрлигинин «И.И.Мечников атындагы Вакциналар жана сывороткалар илимий-изилдөө институту» Федералдык мамлекеттик бюджеттик мекемеси (макулдашуу боюнча).

- кызамык жана кызылча оорусуна эпидемиологиялык көзөмөл системасы. Казакстан Республикасы (макулдашуу боюнча).

- “СПИД Инфосвязь” фонду. Орусия.

06.05.2024
ММК өкүлдөрү үчүн чакыруу

7-майда саат 09:00 КММАнын конференц-залында (Ахунбаев көч., 92) Бүткүл дүйнөлүк медайымдардын күнүнө жана Акушерлердин күнүнө арналган V Эл аралык медайымдык форум өтөт.

Форум И.К.Ахунбаев атындагы КММАнын 85 жылдык мааракесине туш келди. Беш жылдан бери Форум медайымдык жана акушердик чөйрөдөгү актуалдуу жана маанилүү маселелерди талкуулоо үчүн ачык аянтча катары кызмат кылып келет. Бул жылы форумдун негизги темаларынын арасында саламаттыкты сактоодогу медайымдын ролу, кесиптин имиджин жогорулатуунун жолдору жана медайымдарды даярдоонун билим берүү системасына сереп салуу каралат.

 

Форум саламаттыкты сактоо тармагынын, медициналык билим берүүнүн жана мамлекеттик органдардын өкүлдөрүнүн ортосундагы өз ара түшүнүшүү көпүрөсү болуп саналат.

01.04.2024
ЖМК өкүлдөрүн чакыруу: Дүйнөлүк ден соолук күнүнө карата чуркоо – 2024 "Ден соолугум - менин укугум"

Жыл сайын 7 - апрелде белгиленүүчү Бүткүл дүйнөлүк ден соолук күнүн утурлай Бишкекте "Менин ден соолугум - менин укугум", аттуу  ураан астында массалык чуркоо болуп өтөт.

Иш-чара Кыргыз Республикасынын Президенти Садыр Жапаровдун демилгеси менен КР Саламаттык сактоо министри Алымкадыр Бейшеналиев, Бүткүл дүйнөлүк саламаттык сактоо уюмунун Кыргызстандагы өкүлү Ливиу Ведраско, Жогорку Кеңештин депутаттары, КР алдыңкы спортчулары Айсулуу Тыныбекова, Акжол Махмудов, Жоламан Шаршенбеков жана медицина кызматкерлеринин катышуусунда өтмөкчү.

Иш-чараны КР Саламаттык сактоо министрлиги Бүткүл дүйнөлүк саламаттыкты сактоо уюму (ДССУ) менен бирге уюштурду. Борбор калаадагы чуркоо бир жуманын ичинде өлкөнүн бардык аймактарын камтыган "ден соолук кербенинин" башталышы болот.

Башталышы: 6-апрель, 10:00, Жайыл Баатыр көч., 66 "Газпром" спорт комплекси. Чуркоо аралыгы: 1,5 км.

Иш-чара ата мекендик эстрада жылдыздарынын концерттик программасы менен коштолот.

Бүткүл дүйнөлүк ден соолук күнү - бул сергек жашоо образы жөнүндө ойлонууга жана өзүңүздүн жыргалчылыгыңыз үчүн жоопкерчиликтүү болууга  сонун мүмкүнчүлүк. Физикалык жана психикалык саламаттыгыңызды жакшыртуу үчүн кичинекей, бирок маанилүү кадамдарды бүгүндөн кеч калбай жасай баштаңыз. Мисалы, көбүрөөк басуу, жаман адаттардан баш тартуу ж.б.

Биргелешип, биз өзгөрүүлөргө жетишип, коомубуздун дени сак келечегин түзө алабыз!

###

 

01.04.2024-ж. саат 18:00гө чейин аккредитациядан өтүүңүздү өтүнөбүз. Байланыш үчүн телефондор: 0556303086, Жылдыз Айгерчинова, КР Саламаттык сактоо министрлигинин басма сөз катчысы.