Copyright: ©

14-октябрь - Бүткүл дүйнөлүк хоспистик жана паллиативдик жардам күнү

11.10.2023 / Просмотров: 62884

Паллиативдик жардам ассоциациясы КР Саламаттык сактоо министрлигинин, Швейцариянын Морис фондунун, Сорос Кыргызстан фондунун, Эргенэ КФ, Ракка каршы бирге КФ колдоолору менен Бүткүл дүйнөлүк хоспистик жана паллиативдик жардам күнүнө арналган бир катар иш-чараларды өткөрөт. 

18-октябрда саат 10:00до Саламаттык сактоону өнүктүрүү жана медициналык техника борборунда ушул маселелердин чечүү максатында, суроолорду талкуулоо үчүн бардык кызыкдар тараптар чогулушат. Ошондой эле 16-17-октябрда Нарын шаарында жана Кыргыз мамлекеттик медициналык кайра даярдоо жана квалификацияны жогорулатуу институтунда да семинарлар жана жолугушуулар өтөт.

17 жылдан бери дүйнө жүзү боюнча октябрдын ар бир экинчи ишембисинде хоспистик паллиативдик жардам күнү белгиленип келет, бул дүйнө жүзү боюнча паллиативдик жардамга, ооруну басаңдатуучу дары-дармектерге болгон жеткиликтүүлүктү жакшыртуу максатында өткөрүлөт.  

Паллиативдик жардам калкты медициналык тейлөө жана алгачкы медициналык-санитардык жардам менен жалпы камтыган саламаттык сактоо тутумунун негизги компоненттеринин бири катары таанылган. Бүткүл дүйнөлүк хоспистик паллиативдик жардам альянсынын маалыматы боюнча, жыл сайын паллиативдик жардамга 57 миллион адам, өмүрүнүн аягында 25 миллиондон ашык адам муктаж болсо, 18 миллион адам ага жетпегендиктен ашыкча азап чегет. Жардамдын жоктугу көйгөйүнүн көпчүлүгү паллиативдик жардам кандайча көрсөтүлүшү керектигин жана ал эмне үчүн маанилүү экендигин билбегендиктен келип чыгат. 

Кыргызстанда жылына 25 миңден ашык чоң киши паллиативдик жардамга муктаж. Бул өнөкөт жүрөк оорулары, өпкө оорулары, рак оорулары, диабет, кургак учук, СПИД жана башка оорулар боюнча оор стадиядагы бейтаптар. 

Бардык кошумча суроолор боюнча: Тынара Аскаровна Касымалиева, тел: (0555) 922 604 

Прикрепленные файлы:

Другие Мероприятия

06.05.2024
ММК өкүлдөрү үчүн чакыруу

7-майда саат 09:00 КММАнын конференц-залында (Ахунбаев көч., 92) Бүткүл дүйнөлүк медайымдардын күнүнө жана Акушерлердин күнүнө арналган V Эл аралык медайымдык форум өтөт.

Форум И.К.Ахунбаев атындагы КММАнын 85 жылдык мааракесине туш келди. Беш жылдан бери Форум медайымдык жана акушердик чөйрөдөгү актуалдуу жана маанилүү маселелерди талкуулоо үчүн ачык аянтча катары кызмат кылып келет. Бул жылы форумдун негизги темаларынын арасында саламаттыкты сактоодогу медайымдын ролу, кесиптин имиджин жогорулатуунун жолдору жана медайымдарды даярдоонун билим берүү системасына сереп салуу каралат.

 

Форум саламаттыкты сактоо тармагынын, медициналык билим берүүнүн жана мамлекеттик органдардын өкүлдөрүнүн ортосундагы өз ара түшүнүшүү көпүрөсү болуп саналат.

01.04.2024
ЖМК өкүлдөрүн чакыруу: Дүйнөлүк ден соолук күнүнө карата чуркоо – 2024 "Ден соолугум - менин укугум"

Жыл сайын 7 - апрелде белгиленүүчү Бүткүл дүйнөлүк ден соолук күнүн утурлай Бишкекте "Менин ден соолугум - менин укугум", аттуу  ураан астында массалык чуркоо болуп өтөт.

Иш-чара Кыргыз Республикасынын Президенти Садыр Жапаровдун демилгеси менен КР Саламаттык сактоо министри Алымкадыр Бейшеналиев, Бүткүл дүйнөлүк саламаттык сактоо уюмунун Кыргызстандагы өкүлү Ливиу Ведраско, Жогорку Кеңештин депутаттары, КР алдыңкы спортчулары Айсулуу Тыныбекова, Акжол Махмудов, Жоламан Шаршенбеков жана медицина кызматкерлеринин катышуусунда өтмөкчү.

Иш-чараны КР Саламаттык сактоо министрлиги Бүткүл дүйнөлүк саламаттыкты сактоо уюму (ДССУ) менен бирге уюштурду. Борбор калаадагы чуркоо бир жуманын ичинде өлкөнүн бардык аймактарын камтыган "ден соолук кербенинин" башталышы болот.

Башталышы: 6-апрель, 10:00, Жайыл Баатыр көч., 66 "Газпром" спорт комплекси. Чуркоо аралыгы: 1,5 км.

Иш-чара ата мекендик эстрада жылдыздарынын концерттик программасы менен коштолот.

Бүткүл дүйнөлүк ден соолук күнү - бул сергек жашоо образы жөнүндө ойлонууга жана өзүңүздүн жыргалчылыгыңыз үчүн жоопкерчиликтүү болууга  сонун мүмкүнчүлүк. Физикалык жана психикалык саламаттыгыңызды жакшыртуу үчүн кичинекей, бирок маанилүү кадамдарды бүгүндөн кеч калбай жасай баштаңыз. Мисалы, көбүрөөк басуу, жаман адаттардан баш тартуу ж.б.

Биргелешип, биз өзгөрүүлөргө жетишип, коомубуздун дени сак келечегин түзө алабыз!

###

 

01.04.2024-ж. саат 18:00гө чейин аккредитациядан өтүүңүздү өтүнөбүз. Байланыш үчүн телефондор: 0556303086, Жылдыз Айгерчинова, КР Саламаттык сактоо министрлигинин басма сөз катчысы.

01.04.2024
ЖМК өкүлдөрү үчүн чакыруу: Кыргыз Республикасындагы саламаттыкты сактоо жумалыгы

2024-жылдын 2-апрелинде саат 10:00дө Кыргыз мамлекеттик дене тарбия жана спорт академиясынын (КМДТжСА) Ахунбаев көч., 97 дарегинде жайгашкан манежинин имаратында “Кыргыз Республикасындагы саламаттыкты сактоо жумалыгы” 18-Эл аралык конгресс жана көргөзмө форуму башталат.

 

Кыргыз Республикасындагы саламаттык сактоо көргөзмөсү 2023-жылдын 2-апрелинен 4-апрелине чейин өтөт, ал Борбордук Азиядагы беш ири көргөзмөнүн бири болуп саналат.

 

Борбор Азиядагы медицина тармагы боюнча беш ири көргөзмөнүн бири болгон бул иш-чара, саламаттыкты сактоо тармагындагы адистер үчүн маанилүү окуя болуп саналат. MedExpo Kyrgyzstan 2024 – тармактын лидерлери менен жолугушуу, тажрыйба алмашуу жана медицина тармагындагы акыркы жетишкендиктер жана технологиялар менен тааныштыруу үчүн уникалдуу мүмкүнчүлүк.

 

Быйылкы биргелешкен көргөзмөгө 10 өлкөдөн 80ден ашык компания катышат. Катышуучулардын географиясы: Беларусь, Италия, Пакистан, Польша, Россия, Кытай, Кыргызстан, Казакстан, Өзбекстан, Япония, ошондой эле Россия Федерациясынын Новосибирск облусунун Экономикалык өнүктүрүү министрлигинин жамааттык стенддери жана Беларусь Республикасынын “Белфармпром” холдингинин стенди түзүлдү.

 

01.04.2024-ж. саат 18:00гө чейин аккредитациядан өтүү үчүн байланыш телефондор: 0556303086, Жылдыз Айгерчинова, КР Саламаттык сактоо министрлигинин басма сөз катчысы.